ملک بھر میں گزشتہ کئی دنوں سے مسلسل پٹرول اور ڈیزل کے قیمتوں میں اضافے کے سبب پریشان حال ڈوگرہ یوتھ کارکنان نے جموں میں مرکزی حکومت کے خلاف احتجاج کیا۔
ڈوگرہ یوتھ نامی تنظیم کے صدر پرتاب بانو نے کہا کہ 'ایک طرف جہاں انٹرنیشنل مارکیٹ میں خال تیلوں کی قیمتوں میں کمی ہو رہی ہے تو دوسری جانب بی جے پی کی حکومت ملک میں ڈیزل اور پٹرول کی قیمتوں میں ہر روز اضافہ کر رہی ہے۔
انہوں نے کہا کہ کسی بھی دور میں اتنا زیادہ پٹرول اور ڈیزل کی قیمتوں میں اضافہ نہیں ہوا تھا جتنا اس حکومت کے دور میں ہوا ہے۔ آج جب انٹرنیشنل مارکیٹ میں خام تیل کی قیمت 20 ڈالر فی بیرل سے بھی کم ہے تو پٹرول اور ڈیزل کی قیمت میں کمی ہونے کے بجائے ہر روز اضافہ ہو رہا ہے۔ پھر بھی موجودہ حکومت اور اس کے ہمنوا اس کی تائید کر رہے ہیں۔
اس دوران انہوں نے سرکار سے اپیل کی کہ پٹرول اور ڈیزل کی قیمتوں میں جلد از جلد کمی کی جائے تاکہ غریب عوام بھی پر سکون زندگی بسر کر سکیں۔
