ملک کے ساتھ ساتھ جموں وکشمیر کے ضلع پونچھ کے تحصیل منڈی کی عوام بھی مہنگائی کی وجہ سے دو چار ہیں۔
سماجی کارکن امیر الدین نے کہا کہ 'ملک کا غریب طبقہ مہنگائی سے سخت پریشان ہو چکا ہے۔ انہوں نے کہا کہ 'تیل کی قیمتوں میں روز بروز اضافہ آسمان چھو رہی ہیں۔ رسوئی گیس اور مسافر کرایا بھی عروج پر ہے۔ غریب کی سنوائی کہیں پر نہیں ہے۔'
انہوں نے مرکزی حکومت اور لیفٹنٹ گورنر انتظامیہ سے کہا کہ 'مہنگائی کی مار سے غریبوں کو نجات دلائیں۔'
ان کے علاوہ فاروق ٹھکر نے بھی سخت تشویش کا اظہار کرتے ہوے کہا کہ 'سرسوں کا تیل جو 80 روپیہ لیٹر ہوا کرتا تھا وہ آج 200 کو پار کرچکا ہے۔
یہ بھی پڑھیں: جموں: بے روزگاری اور مہنگائی کے خلاف پینتھرز پارٹی کا احتجاج
انہوں نے کہا کہ 'دالیں 40/50/60 سے بڑھا کر 120/140/200 تک کردی گئی ہیں۔ یہی نہیں بلکہ گاڑی کرائے میں بھی پچاس سے ساٹھ فیصدی اضافہ ہوچکا ہے۔ گاڑیوں کے کاغذات بنانے کے چارج بھی دوگنے کر دیےگئے ہیں۔'
