مرکزی وزیر داخلہ امت شاہ کے مطابق جموں و کشمیر میں انتخابات حد بندی کی مشق مکمل ہونے کے چھ سے آٹھ ماہ کے اندر کرائے جائیں گے۔ وزیر داخلہ کے اس بیان پر جموں کشمیر کی مختلف سیاسی پارٹیوں نے اپنے رد عمل کا اظہار کیا ہے۔ Reaction To Amit Shah's Statement on J&K Elections
جموں وکشمیر پردیش کانگریس کمیٹی کے چیف ترجمان رویندر شرما نے کہا کہ ”پہلے تو جموں و کشمیر کے عوام حدبندی کے عمل سے خوش نہیں ہیں، پہلے خطے کے تمام لوگوں کو مطمئن کریں، اس کے بعد الیکشن کے لیے آگے بڑھیں“۔
رویندر شرما نے مزید کہا کہ الیکشن ہونا ایک عام بات ہے لیکن اس کو بھی بی جے پی ایسے دکھا رہی ہے جیسے وہ لوگوں پر احسان کر رہی ہے۔ الیکشن کرانا جمہوریت کا ایک حصہ ہے، اس کو اتنا بڑھا چڑھا کر بتانا نہیں چاہیے۔“
اپنی پارٹی کے جنرل سیکریٹری وکرم ملہوترا کا کہنا ہے کہ ”ہم جموں و کشمیر میں لوگوں کی بڑھتی ہوئی مشکلات کو حل کرنے کے انتظار میں ہیں۔ اپنی پارٹی ہمیشہ انتخابات کے لیے تیار ہے اور الیکشن کا اعلان ہونے کا انتظار کر رہے ہیں۔
یہ بھی پڑھیں: Reaction Of Political Parties on J&K Elections: امت شاہ کے انتخابات کے بیان پر سیاسی جماعتوں کا ردِعمل
انھوں نے مزید کہا کہ ابھی بھی یہ یقین نہیں ہے کہ الیکشن چھ یا آٹھ ماہ میں کئے جائیں گے بھی یا نہیں، ابھی حد بندی کا عمل ہی مکمل نہیں ہوا ہے، یہ کب ختم ہوگا کچھ بھی نہیں کہا جاسکتا ہے۔“
نیشنل کانفرنس کی سینیئر رہنما اور ڈی ڈی سی چیئرپرسن رامبن ڈاکٹر شمشادہ شان نے کہا کہ این سی ہر وقت الیکشن کے لیے تیار ہے۔ ہم چاہتے تھے الیکشن جلد سے جلد کرائے جائیں تاکہ جموں و کشمیر میں اپنی اسمبلی ہوں۔
