آل جموں و کشمیر پنچایت کانفرنس کے چیئرمین شفیق میر نے وادی کشمیر میں دو پنچایت ارکان کی ہلاکت کے واقعہ پر شدید تشویش کا اظہار کرتے ہوئے حکومت ہند پر زور دیا کہ وہ جموں و کشمیر سے عسکریت پسندی کو ختم کرنے کے لیے تمام ٹھوس اور سخت اقدامات کرے۔ پنچایت کانفرنس نے کہا کہ 'اس طرح کی بے ہودہ ہلاکتیں منتخب پنچایت ممبران کو جموں و کشمیر میں عوام کی خدمت کرنے اور جمہوریت کو نچلی سطح پر مضبوط کرنے سے نہیں روکیں گی۔ J&K Panchayat Body Condemns killing of Sarpanch
J&K Panchayat Body Condemns killing of Sarpanch پنچایت کانفرنس جموں وکشمیر کے چیئرمین شفیق میر نے کہا کہ 'کم از کم 28 پنچایت ممبران نے جموں و کشمیر میں نچلی سطح کی جمہوریت کو مضبوط بنانے کے لیے اپنی جانیں قربان کی ہیں، لیکن اس نے منتخب پنچایت ممبران کو لوگوں کی خدمت کرنے سے نہیں روکا ہے۔ ان کا کہناتھا کہ وادی کشمیر میں ایک سرپنچ اور ایک پنچ کی حالیہ ہلاکتوں نے واضح طور پر اشارہ دیا ہے کہ عسکریت پسندوں نے پھر سے یہاں اپنا سر اٹھانا شروع کر دیا ہے۔پنچایتوں میں بنیادی ڈھانچے کی ترقی کے لیے تقریباً 50 فیصد فنڈز غیر ضروری ٹینڈرنگ کی وجہ سے ختم ہونے والے ہیں۔ ٹینڈرنگ کے عمل میں تاخیر کی وجہ سے پنچایتیں کام نہیں کر سکیں۔ ہم مرکزی حکومت سے مطالبہ کرتے ہیں کہ ضروری ترامیم اس بات کو یقینی بنانے کے لیے کی جائیں کہ گرام سبھا کو 5 لاکھ روپے تک کے کام انجام دینے کا اختیار دیا جائے۔ ہمالیائی اور پہاڑی یوٹی ہونے کے ناطے، جموں و کشمیر میں پنچایت سطح پر 5 لاکھ روپے سے کم سے کم کاموں کے لیے کوئی ٹینڈرنگ مشق نہیں ہونی چاہیے۔
