جموں و کشمیر کے پونچھ میں مغل روڈ کو کورونا وائرس کے پیش نظر بند رکھا گیا ہے۔ صوبہ جموں سے مغل روڈ کے راستہ سے وادی کی طرف آنے والے گجر بکروال سے تعلق رکھنے والے لوگوں کو پولیس نے واپس بھیج دیا ہے۔ بتایا جا رہا ہے کہ کورونا کے پھیلاؤ کو روکنے کے لیے پولیس کی جانب سے یہ قدم اٹھایا گیا ہے۔
بتایا جاتا ہے کہ راجوری اور پونچھ سے آنے والے افراد کا نہ تو کووڈ ٹیسٹ ہوتا ہے اور نہ ہی وہ ایس او پیز پر عمل کرتے ہیں۔
وہیں پولیس کی جانب سے اپیل کی گئی ہے کہ وہ مغل روڈ پر غیر قانونی طور پر سفر نہ کریں، جب تک روڈ کو سرکاری طور پر ٹریفک کی آمد رفت کے لیے بحال نہ کیا جائے۔
انہوں نے کہا کہ پہاڑی راستہ ہونے کی وجہ سے برفانی تودے گرنے سے لوگوں کی جانوں کو خطرہ لاحق رہتا ہے۔
واضح رہے کہ تاریخی مغل روڈ وادی کشمیر کو خطہ جموں کے راجوری و پونچھ اضلاع سےجوڑنے والا متبادل راستہ ہے
