اس ہونٹ میں نئی سہولت کو جدید کارکردگی پر مبنی مشینری سے آراستہ کیا گیا ہے، تا کہ خشک فضلہ سے 100 فیصد بازیابی حاصل کی جا سکے ۔
اس سے شہر میں روز بروز پیدا ہونے والے کچرے ، گتے اور پلاسٹک وغیرہ کے تمام قسم کے کاغذی فضلہ کو جمع کرنے اور الگ کرنے میں آسانی ہو گی۔
اس موقع پر لفٹیننٹ گورنر نے خطاب کرتے ہوئے کہا کہ نئی سہولت سالڈ ویسٹ منیجمنٹ کیلئے حکومت کی کوششوں کی تکمیل کرے گی اور جموں و کشمیر صاف بھارت مشن کیلئے اپنا کردار ادا کرے گا ۔
لفٹیننٹ گورنر نے کہا کہ حکومت یو ٹی میں پائیدار شہری مستقبل کیلئے ویسٹ منیجمنٹ کی طرف توجہ دے رہی ہے ۔
انہوں نے کہا کہ' ہم ماحولیاتی استحکام کیلئے تخلیقی فضلہ کے انتظام کی حکمت عملیوں کی تشکیل میں مستقل کوششیں کر رہے ہیں ،اس کے علاوہ ماحولیات کے تحفظ کو اپنے ترقیاتی منصوبے کا لازمی جُز بنا رہے ہیں ۔
اس موقع پر بتایا گیا کہ اس سہولت کو معاشی طور پر پائیدار سماجی و تکنیکی ماڈل بنانے کیلئے مختلف خصوصیات سے آراستہ کیا گیا ہے ۔ یہ فضلہ اٹھانے والوں ، فضلہ جمع کرنے والوں اور متعلقہ ری سائیکلرز کی استعداد کار بڑھانے کیلئے معاون نظام کے طور پر بھی کام کرے گا ۔
جے ایم سی کے مئیر چندر موہن گپتا نے کہا کہ جموں میونسپل کارپوریشن اپنے دائرہ اختیار میں ٹھوس فضلہ جمع کرنے ، نقل و حمل اور ضائع کرنے کے موثر طریقوں پر عمل درآمد کو یقینی بنانے کیلئے متعدد اقدامات اٹھا رہی ہے ۔
آپ کو بتادیں حال ہی میں لفٹیننٹ گورنر نے این اے ایف ای ڈی کے تعاون سے کوٹ بھلوال میں 80 کروڑ روپے کی انٹی گریٹڈ سالڈ ویسٹ منیجمنٹ سہولت کا ای فاونڈیشن رکھا ۔
یہ بھی پڑھیں:
ممبر پارلیمنٹ جگل کشور شرما ، چیف سیکرٹری ارون کمار مہتہ ، پرنسپل سیکرٹری برائے حکومت ایچ اینڈ یو ڈی ڈی دھیرج گپتا ، ایڈیشنل ڈی جی پی مکیش سنگھ ، ڈویژنل کمشنر جموں راگھو لانگر ، ڈپٹی کمشنر جموں اشول گرگ نے افتتاحی تقریب میں شرکت کی ۔
ڈپٹی مئیر جے ایم سی محترمہ پورنما شرما ، کمشنر جے ایم سی اونی لواسہ ، جموں ڈیولپمنٹ اتھارٹی کے وائس چئیرمین روہت کھجوریہ اور دیگر سینئر افسران بھی اس موقع پر موجود تھے ۔
