میونسپل کمیٹی ترال کے ہلاک شدہ صدر کے لواحقین سے تعزیت کا اظہار کرتے ہوئے لیفٹیننٹ گورنر نے کہا کہ غم کی اس گھڑی میں پوری انتظامیہ مرحوم راکیش پنڈتا کے اہل خانہ کے ساتھ کھڑی ہے۔
لیفٹیننٹ گورنر نے غمزدہ افراد کے لواحقین کو مجرمین کے خلاف سخت کارروائی کی یقین دہانی کرواتے ہوئے بتایا کہ اس کی اعلی سطح پر تحقیقات کا آغاز کردیا گیا ہے۔ انہوں نے مزید کہا کہ تشدد کے اس گھناؤنے واقعہ کو انجام دینے والوں کو جلد انصاف کے کٹہرے میں لایا جائے گا۔
لیفٹیننٹ گورنر نے مرحوم پنڈتا کے لواحقین کے لئے 40 لاکھ روپے امداد کی منظوری دی۔
اس موقع پر لیفٹیننٹ گورنر کے پرنسپل سکریٹری نتیشور کمار، ڈویژنل کمشنر جموں اور ڈاکٹر لنگرڈپٹی کمشنر جموں انشول گرگ بھی لیفٹیننٹ گورنر کے ہمراہ تھے۔
واضح رہے راکیش پنڈتا کو دو جون کو اس وقت عسکریت پسندوں نے ترال میں ہلاک کیا تھا جب وہ سیکورٹی کے بغیر اپنے دوست کے گھر آئے تھے۔
