کشتواڑ :تین نوجوان سڑک حادثہ کا شکار، تینوں لاپتہ

کشتواڑ سے تعلق رکھنے والے تین نوجوان ایک سڑک حادثہ کا شکار ہوگئے، لیکن انتظامیہ کو ان تینوں کے بارے میں ابھی تک کوئی معلومات حاصل نہیں ہوپائی ہے۔

جموں و کشمیر کے ضلع کشتواڑ کے بلاک ٹھاکرائی سے تعلق رکھنے والے تین لوگوں کی تین روز قبل ایک سڑک حادثہ کا شکار ہوگئے تھے، لیکن ابھی تک انتظامیہ کو ان تینوں کے بارے میں کوئی جانکاری حاصل نہیں ہوپائی ہے کہ یہ تینوں زندہ ہے یا نہیں۔

کشتواڑ کے بلاک ٹھاکرائی سے تین نوجوان گزشتہ روز جموں اینٹ لینے کےلیے گئے ہوئے تھے، تین دن قبل یہ تینوں ٹریک میں اینٹ لے کر جموں سے کشتواڑ واپس آرہے تھے، اسی دوران ڈاڈہ کے پریم نگر میں اچانک ٹرک ایک حادثہ کا شکار ہوگیا اور حادثہ میں یہ تین نوجوان دریا چناب میں گر گئے، جس کے بعد سے پولیس اور دیگر فورسز ان کی تلاش میں لگی ہوئی ہے، لیکن انہیں ابھی تک کوئی کامیابی نہیں ملی ہے۔

اسی سلسلے میں بلاک ٹھاکرائی سے ایڈوکیٹ ارونا رانی نے بیان جاری کرتے ہوئے ضلع انتظامیہ کشتواڑ سے پر زور مطالبہ کیا ہے کہ حادثے کی جائے وقوع پر مزید ریسیکیو ٹیم کو تعینات کیا جائے، تاکہ جلد از جلد تینوں لوگوں کو دریا چناب سے نکالا جاسکے ۔ایڈوکیٹ ارونا رانی نے جموں کشمیر یو ٹی سرکار سے بھی پر زور مطالبہ کیا ہے کہ پریم نگر حادثہ میں بے گناہ تین نوجوانوں کو چناب سے نکالنے میں مدد کریں۔