جموں وکشمیر میں شروع کی جانے والی جن ابھیان عوامی مہم کا آج ڈوڈہ میں بھی با ضابطہ طور آغاز ہوا۔ ڈی ڈی سی ساگر ڈائیفوڈ نے اس پروگرام کے پہلے مرحلہ جن سنائی پروگرام کو ڈی سی آفس سے شروع کیا۔ اس موقع پر لوگوں کی کچیر تعداد پروگرام میں شامل ہوئی اور اپنے مسائل کو اجاگر کیا۔
ڈوڈہ میں جن ابھیان عوامی مہم کا آغاز
اسی تناظر میں ڈی سی آفس کمپلکس ڈوڈہ میں جن سنائی پروگرام منعقد ہوا۔ جس میں ڈی ڈی سی ڈوڈہ نے پروگرام میں خود لوگوں کے مسائل سُنے۔
اس موقع پر جن سنائی پروگرام پر معمور کئے گئے افسران کو ہدایت جاری کی گئی کہ ہر شکایت کا ریکارڈ رکھا جائے۔ تاکہ اُن کا ازالہ کیا جا سکے۔ عوام سے اپیل کرتے ہوئے ڈی ڈی سی ڈوڈہ نے بتایا کہ لوگ حکومت کی طرف سے جاری کردہ اس اہم مہم کا فائدہ اٹھاتے ہوئے اپنے علاقہ کے مسائل اور شکایات کا ازالہ کرنے کے لئے جن سنائی میں اپنی درخواست جمع کریں۔
