جموں وکشمیر میں انتظامی کونسل نے جموں میں نارکوٹکس کنٹرول بورڈ کے لئے دفتر کی عمارت اور رہائشی کمپلیکس تعمیر کرنے کے لئے 13 کنال 5 مرلہ اراضی منتقل اور الاٹ کرنے کو منظوری دے دی ہے۔
سرکاری ترجمان کے مطابق سدھرا جموں میں واقع زمین کا یہ ٹکڑا این سی بی کو 40 سال کے لئے لیز پر دیا جا رہا ہے اور یہ فیصلہ جموں ڈیولپمنٹ اتھارٹی کے بورڈ آف ڈائریکٹرز کی سفارش اور قانون، انصاف، پارلیمانی امور و مال محکموں کے اتفاق رائے سے لیا گیا ہے۔
اس فیصلے سے این سی بی کے لئے ایک خود مختار زونل ہیڈ کوارٹر قائم کرنے میں سہولت پیدا ہوگی اور خطے میں نشیلی ادویات کی تجارت سے منسلک دہشت گردانہ سرگرمیوں پر بھی مؤثر طور قابو پایا جا سکے گا۔
