کشتواڑ: فوجی جوانوں کی کلائیوں پر بھی بندھی راکھی

جموں و کشمیر کے ضلع کشتواڑ میں بھی پورے جوش و خروش کے ساتھ رکشا بندھن کا تہوارمنایا گیا۔ اس موقع پر علاقے کی بچیوں و لڑکیوں نے فوجی جوانوں کی کلائیوں پر بھی راکھی باندھی۔

رکھشا بندھن تہوار کے موقع پر کشتواڑ کے بازاروں میں کافی بھیڑ دیکھنے کو ملی۔ کشتواڑ ضلع سے ملحقہ علاقوں میں بھی اس موقع پر کافی بھیڑ بھاڑ بازاروں میں دیکھی گئی۔ اس موقع پر ڈپٹی کمشنر کشتواڑ اشوک شرما، ایس ایس پی کشتواڑ شفقت حسین نے لوگوں کو رکھشا بندھن کی مبارک باد پیش کی۔

رکھشا بندھن کے موقع پر فوجی افسران نے بھی حصہ لیا اور فوجی جوانوں کو بھی راکھی باندھی گئی۔ آپ کو بتادیں کہ رکشا بندھن کے موقع پر بہنیں بھائیوں کو راکھی باندھتی ہیں۔ اس دوران سپاہیوں کی کلائیوں پر راکھی باندھنے والی بہنوں نے کہا کہ 'ملک اور ہماری سلامتی کی خاطر 24 گھنٹے سرحد کی حفاظت کرنے والے ان بھائیوں کو اپنے گھر سے دوری کا احساس نہ ہو اس لیے ہم ان کی کلائیوں پر راکھی باندھنے کے لیے یہاں آئے ہیں، ساتھ ہی ہم ان بہادر بھائیوں کی لمبی عمر کے لیے دعا بھی کرتے ہیں۔