میں ابھی بھی نیشنل کانفرنس کا صوبائی صدر ہوں: دیویندر سنگھ رانا

گذشتہ شب ٹوئٹر، فیس بک پر یہ خبریں گشت کر رہی تھی کہ نیشنل کانفرنس کے صوبائی صدر دیویندر سنگھ رانا نے اپنے عہدے سے استعفی دیا ہے۔

جموں و کشمیر نیشنل کانفرنس کے سینئر رہنما و صوبائی صدر جموں دیویندر سنگھ رانا نے آج نیشنل کانفرنس سے مستعفی ہونے کی خبر کو بے بنیاد قرار دیتے ہوئے کہا کہ میں ابھی نیشنل کانفرنس صوبائی صدر ہوں اور جموں ڈیکلیریشن کے حق میں بھی ہوں، کل رات ٹوئٹر، فیس بک پر یہ خبریں گشت کر رہی تھی کہ نیشنل کانفرنس کے صوبائی صدر نے عہدے سے استعفی دیا ہے۔

جس کے بعد آج پورے دن نیشنل کانفرنس کے سینئر رہنما دیویندر سنگھ رانا کے گھر پہنچ کر متعدد سیاسی رہنماؤں نے ملاقات کی، جن میں سابق وزیر چودھری لال سنگھ، سریندر چودھری، اجے سلہوترا ، ناصر اسلم وانی شامل تھے۔

سیاسی جماعتوں کے رہنماؤں کے ساتھ ملاقات کے بعد دیویندر رانا نے نمائندوں سے کہا کہ وہ ابھی بھی نیشنل کانفرنس میں ہیں۔