راجوری کے بعد پونچھ میں بھی ایل او سی پر گولہ باری

ریاست جموں و کشمیر میں سرحدی ضلع راجوری کے بعد اب ضلع پونچھ کے مینڈھر علاقے میں لائن آف کنٹرول پر بھارت و پاکستانی افواج کے مابین گولہ باری کا تبادلہ شروع ہوا ہے۔

نمائندے کے مطابق سرحدی ضلع پونچھ کے مینڈھر علاقے میں پاکستانی افواج نے جنگ بندی کی خلاف ورزی کرتے ہوئے فوجی چوکیوں کو نشانہ بنایا جس کا معقول جواب بھارتی افواج نے بھی دیا۔

تاہم گولیوں کے اس تبادلے میں کسی جانی نقصان کی کوئی اطلاع نہیں ہے۔

واضح رہے کہ آج صبح راجوری میں کنٹرول لائن پر نوشہرہ اور سندر بنی علاقوں میں پاکستانی سنائپر کی زد میں آکر دو فوجی اہلکار زخمی ہوئے تھے۔