بھارت-پاکستان سرحد پر منشیات اسمگلر گرفتار

بین الاقوامی سرحد کے علاقے سچیت گڑھ کی آکٹرائی پوسٹ پر بی ایس ایف نے تقریباً تیس کروڑ روپے کی مالیت کی منشیات کے ساتھ منشیات اسمگلروں کو گرفتار کیا ہے ۔

خاص بات یہ ہے کہ جس گیلین میں یہ منشیات رکھی گئی تھیں وہ پاکستان کا بنا ہوا ہے حالانکہ فوج کا کہنا ہے کہ اس سلسلے میں ان کی تفتیش جاری ہے۔

خیال رہے کہ یہ پہلی بار نہیں جب بھارت - پاکستان بین الاقوامی سرحد پر اس طرح کی منشیات پکڑی گئی ہے۔ اس سے قبل بھی کئی بار ایسا ہوا ہے اور بی ایس ایف کے جوانوں نے منشیات اسمگلروں کو گرفتار کیا ہے۔