یوم آزادی تقریب سے قبل جموں و کشمیر پولیس و نیم فوجی دستوں نے قصبہ ڈوڈہ میں سیکیورٹی صورتحال کا جائزہ لینے کے لیے موک ڈرل کا اہتمام کیا۔ جس میں جموں و کشمیر پولیس کے علاوہ سی آر پی ایف اور ایس ایس بی کے جوانوں نے بھی شرکت کی۔
ایک پولیس آفیسر نے بتایا کہ وہ معمول کے مطابق قصبہ میں کسی بھی صورتحال سے نمٹنے کے لیے یہ ڈرل کر رہے ہیں تاکہ یوم آزادی کی تقریبات کو پُرامن طور پر منعقد کیا جا سکے۔
واضح رہے کہ شر پسند عناصر نے گزشتہ ماہ پولیس لائن کے صدر دروازے کے نزدیک ایک زیر تعمیر نجی عمارت میں گرینڈ سے جموں و کشمیر پولیس کے ایس او جی پر حملہ کیا تھا، جس میں ایک پولیس اہلکار زخمی ہوا تھا۔
انھیں سب چیزوں کو خیال میں رکھتے ہوئے مشترکہ فورسسز کے ہمراہ بم اسکواڈ کی ٹیم نے بھی پورے قصبہ میں تلاشی کی۔ اس مہم میں فورسسز کی کافی تعداد نے قصبہ کے مین بازار اور تمام گلی کوچوں کا دورہ کیا۔
