نوجوان کے ذریعے تیار کردہ کورونا وائرس ماڈل ہیلمٹ کو پولیس پہن کر لوگوں کو بیدار کررہی ہے اور لاک ڈاون کی سنجیدگی سے با خبر کررہے ہیں، اس دوران پولیس نے گانا گا کر لوگوں کو سمجھانے کی کوشش کی۔
پولیس نے لوگوں سے گزارش کی کہ وہ اپنے گھروں میں ہی رہیں اور بنا وجہ باہر نکلنے سے پرہیز کریں۔ خود اور دوسروں کو بھی اس وبائی مرض کورونا سے محفوظ رکھیں۔
کورونا وائرس سے نمٹنے کے لیے بھارتی حکومت نے ملک گیر لاک ڈاؤن کا اعلان کر دیا ہے، لیکن ایسے بہت سے معاملے سامنے آرہے ہیں جہاں لوگ لاک ڈاؤں کی سنجیدگی کو نہیں سمجھ رہے ہیں اور اس کی خلاف ورزی کرنے پر آمادہ ہیں۔
پولیس کے ذریعہ ایسے لوگوں کو اس بیماری کی سنگینی کی وضاحت کے لئے ضلع کے سپرانٹنڈنٹ پولیس نے کورونا ہیلمیٹ ماڈل کا انوکھا قدم اٹھایا ہے اور لوگوں کو گھر کے اندر ہی رہنے پر آمادہ کررہے ہیں۔
کورونا وائرس کا ماڈل ہیلمٹ بنانے والے نوجوان کا کہنا ہے کہ ملک میں مسلسل کورونا وائرس کے معاملے بڑھ رہے ہیں، ایسے میں کچھ لوگ اس کی سنگینی کو نظر انداز کررہے ہیں، اور بے وجہ باہر گھوم رہے ہیں۔
اس لیے پولیس سپریٹینڈنٹ کے کہنے پر انہوں نے اس ماڈؒ ہیلمٹ کو تیار کیا ہے، جسے پہن کر کے ذریعے لوگوں کو کورونا وائرس سے متعلق بیدار کیا جا رہا ہے، ساتھ ہی گھر میں رہنے کی انہیں تلقین بھی کی جا رہی ہے۔
