یہاں چرو ضلع کے علاوہ دیگر اضلع سے لوگ مظاہرہ کرنے آ رہے ہیں۔ گاندھی کی طرز پر جاری اس مظاہرے سے ایسے لوگ بھی جڑ رہے ہیں جو گاندھی کے فلسفہ ستیہ گرہ کے شیدائی ہیں۔
سیجوسر انٹر کالج کے شمشیر خان گزشتہ 75 روز سے ننگے پیر گھوم رہے ہیں۔ ان کو امید ہے کہ ایک دن ریاستی حکومت ان کے مطالبات پورے کرے گی اور ان کا مظاہرہ واپس لیا جائے گا۔
شمشیر خان گاندھی کے پیروکار ہیں۔
بقول شمشیر خان وہ گاندھی کے پیروکار ہیں۔ حکومت گاندھی کی 150ویں یوم پیدائش منا رہی ہے۔ ایسے میں انہیں امید ہے کہ ان کے گاندھی وادی طریقے کے مظاہرے پر حکومت توجہ دے گی۔ ان کو امید ہے کہ اردو استاد کے مطالبے پورے ہوں گے۔
ان چار طریقوں سے مظاہرے ہو رہے ہیں
شمشیر خان 10 جولائی سے چار گاندھی وادی طریقے سے مظاہرہ کر رہے ہیں۔ وہ 75 روز سے ننگے پر گھوم رہے ہیں۔ بالوں میں تیل بھی نہیں لگا رہے ہیں۔ ایک وقت کھانا کھا رہے ہیں۔ محض دو جوڑی کپڑوں سے کام چلا رہے ہیں۔ شمشیر خان اسکول بھی پیدل جاتے ہیں۔ شمشیر اردو اساتذہ کے مطالبے کی حمایت میں ایک بار بال بھی بنوا چکے ہیں۔
اہم مطالبے
اردو سنگھرش سمیتی کا مطالبہ ہے کہ ریاستی حکومت کے سرکلر 13 دسمبر 2004 کے مطابق ابتدائی تعلیم کی اسکولوں میں ایک درجہ میں 10 یا پورے اسکول میں 40 سے زائد اردو کے طلبا ہونے اور مادھیمک شکشا میں ایک درجہ میں 5 یا پورے اسکول میں 60 طالبا ہونے پر اردو مضمون طے کیا جائے۔ اسی طرح اردو مضمون کے لیے ضلع مجسٹریٹ و ڈائریکٹر کے افسر بھی متعئن کیے جائیں۔
شمشیر خان کا کہنا ہے کہ حکومت کی جانب سے 2004 میں جو اردو تعلیم کے لیے سرکلر جاری کیا گیا تھا اسے لاگو کیا جائے تاکہ اردو کے حالات بہتر ہو سکیں اور اردو تساتذہ کو تعلیم مل سکے۔ ان کا کہنا ہے کہ ریاست مین اردو مضمون کے 300 عہدے بھی نہیں جبکہ پورے راجستھان میں 60 ہزار اسکول ہیں۔ ان میں سے 11 ہزار اسکول ایسے ہیں جہاں پر اردو پڑھنے والے بچے پڑھائی کر رہے ہیں۔
