ریاست راجستھان کے بنسواڑہ علاقے کے دانپور پولیس سٹیشن کے علاقہ کنٹوبی آڑی بھیٹ میں اتوار کی شام دیر ایک دردناک حادثہ پیش آیا جہاں بہن کے گھر ایک تقریب میں شرکت کے لیے جانے والے چار بھائیوں کو ٹرک نے کچل دیا جس کے بعد چاروں بھائیوں نے موقع پر ہی دم توڑ گیا۔
واضح رہے کہ چاروں بھائی ایک ہی موٹرسائیکل پر سوار تھے، جبکہ ہلاک ہونے والوں میں دو سگے بھائی اور دو کزن تھے۔
اطلاع کے مطابق نوجوان کی ایک ٹانگ مکمل طور پر پھٹ گئی تھی، جب کہ اس کے سر سے بہت زیادہ خون بہہ رہا تھا تاہم ان کی موٹر سائیکل کے پرخچے اڑ گئے تھے۔
خیال رہے کہ حادثے کے بعد سڑک پر لاشوں کی وجہ سے لوگوں کی آمد رفت کے لیے سڑک بھی بند کردی گئی تھی۔
مقامی لوگوں کا کہنا ہے کہ یہ حادثہ امبا پور اور دانپور تھانوں سے متصل علاقے میں پیش آیا جس کے فورا بعد ہی دونوں تھانوں کی پولیس موقع پر پہنچ گئی۔
بتایا جارہا ہے کہ یہ ٹرک ادے پور کے کیسریا جی سے مدھیہ پردیش کے دارالحکومت بھوپال کے رائے سین پتھر لیکر جارہا تھا۔
پولیس کے مطابق موٹر سائیکل پر سوار چاروں نوجوان کھوراپاڑا کے رہنے والے تھے۔
واضح رہے کہ کھوراپاڑا چھوٹی سرون کے رہنے والے دنیش، سوہن،مکیش اور دلیپ ہلاک ہوگئے۔
یاد رہے کہ یہ چاروں نوجوان موٹرسائیکل کے ذریعہ بانسواڑہ جارہے تھے، اور بنسواڑہ سے ماربل سے بھرا ٹرک رتلم کی طرف جا رہا تھا، آڑی بھیٹ کے قریب پہنچتے ہی دونوں گاڑیاں آمنے سامنے سے ٹکرا گئیں۔
حادثے میں موٹر سائیکل پر سوار چاروں نوجوان نے موقع پر ہی دم توڑ دیا جبکہ ٹرک ڈرائیور ٹرک چھوڑ کر فرار ہوگیا۔
