جے پور: دسہرے کا تہوار جمعہ کے روز ریاست راجستھان میں منایا گیا، اس موقع پر ہندو مذہب کے لوگ راون کا پتلا جلاتے ہوئے اس تہوار کو مناتے ہوئے نظر آئے۔ وہیں راجستھان کی سب سے بڑی یونیورسٹی راجستھان یونیورسٹی میں اس تہوار کو الگ ہی انداز میں منایا گیا، جہاں وزیر اعظم نریندر مودی اور بی جے پی کے قومی سطح کے رہنماؤں کا راون کا پتلا بنایا کر نذرآتش کیا۔
موقع پر این ایس یو آئی کے ریاستی سطح کے ذمہ داران، عہدےدران، کارکنان سمیت یونیورسٹی کے طلباء موجود تھے۔ این ایس یو آئی کے ترجمان رمیش کمار نے میڈیا سے بات چیت کے دوران کہا کہ آج دسہرے کے اس تہوار کو برائی پر اچھائی کی فتح کے طور پر منایا جاتا ہے اس لئے اگر بات کی جائے موجودہ وقت کی تو موجودہ وقت میں مہنگائی آسمان کی بلندیوں کو چھو رہی ہے، بے روزگار نوجوانوں کی تعداد میں مسلسل اضافہ ہو رہا ہے۔
مزید پڑھیں: چھتیس گڑھ: مذہبی جلوس پر گاڑی چڑھانے کا واقعہ، دو گرفتار
خصوصی انٹرویو: ایجنسیاں بتائیں کہاں ہے نجیب
انہوں نے مزید کہا کہ بھوک کی فہرست میں ہم لوگ افغانستان اور پاکستان سے بھی کافی زیادہ نیچے آ چکے ہیں، ان تمام باتوں کو لے کر نوجوانوں میں غصہ نظر آرہا ہے، اسی بات کو مدنظر ہم لوگوں نے سوچا کہ کیوں نہ اس بار دسہرے کے تہوار کو الگ طرح سے بنایا جائے اور ہم لوگوں نے اس بار تہوار کو الگ طرح سے مناتے ہوئے وزیر اعظم نریندر مودی سمیت دیگر بی جے پی رہنمائوں کی تصویروں کا راون بنایا اور اسے جلایا۔
