سوائی مادھوپور: ہماری لاڈو مہم کا آغاز

ریاست راجستھان کے ضلع سوائی مادھو پور میں بیٹی بچاؤ بیٹی پڑھاؤ کے تحت ضلعی کلکٹر راجندر کشن نے آج سے ضلع میں ایک نئی مہم کا آغاز کیا ہے۔

بیٹی بچاؤ بیٹی پڑھاؤ کے تحت اس مہم کا نام ہماری لاڈو ہے ہماری لاڈو مہم کے تحت بیٹیاں ہر ہفتہ کو ضلعی عہدیداروں سے ملیں گی۔

اس دوران متعلقہ افسران اپنے تجربات بیٹیوں کو بتائیں گے۔ اس مرحلے میں ہفتہ کے روز ڈسٹرکٹ ہیڈ کوارٹر کے مانٹاؤن گرلز اسکول کی لڑکیاں کلکٹر کی رہائش گاہ پر پہنچ گئیں۔

جہاں ضلعی کلکٹر نے لڑکیوں کا استقبال کیا اور اپنے تجربات لڑکیوں کے ساتھ شیئر کیا۔اس دوران لڑکیوں سے گفتگو کرتے ہوئے کلکٹر نے کہا کہ کامیابی کا ایک ہی راستہ ہے اور وہ ہے محنت۔

اس دوران لڑکیوں نے کلکٹر سے بہت سارے سوالات کئے جس پر کلکٹر نے خوشی سے جواب دیا۔ڈسٹرکٹ کلکٹر نے کہا کہ ہماری لاڈو مہم کے تحت ہر ہفتہ کو ضلع کا کوئی نہ کوئی افسر لڑکیوں کے ساتھ بات چیت کریگا اور لڑکیوں کو اپنے تجربات کے ساتھ آگے بڑھنے کی ترغیب دے گا۔

کلکٹر نے بتایا کہ اس طرح سے ہر ہفتہ کے دن رنتھمبور کا ٹور لڑکیوں کو کروایا جائے گا۔