ریاست راجستھان کے دارالحکومت جے پور میں واقع راجستھان یونیورسٹی کے طلبا یونین انتخابات میں پوجا ورما نے 675 ووٹوں سے اے بی وی پی کے امیداور امت کو شکست دے دی۔
خیال رہے کہ راجستھان یونیورسٹی ریاست کی سب سے بڑی یونیورسٹی ہے جہاں گذشتہ روز طلبا یونین کے لیے انتخابات ہوئے اور آج نتائج کا اعلان کیا گیا۔ انتخابی نتائج میں پوجا ورما نے اے بی وی پی کے امیداور امت کو شکست دی۔ پوجا ورما نے این ایس یو آئی سے بغاوت کر کے انتخابات میں پرچہ نامزدگی داخل کیا تھا اور کامیابی حاصل کی۔
انتخابات کے نتائج بالترتیب کچھ اس طرح رہے، پوجا ورما 3890 ووٹ کے ساتھ پہلے مقام پر رہیں جبکہ اے بی وی پی کے امیدوار امت 2975 ووٹ کے ساتھ دوسرے مقام اور این ایس یو آئی کے اتم چودھری تیسرے مقام پر رہے۔
واضح رہے کہ ریاست کی تمام سرکاری کالجز اور یونیورسٹیز میں گذشتہ روز طلبا یونین کے لیے ووٹنگ ہوئی تھی جس کے نتائج کا آج اعلان کیا گیا۔
پوجا ورما کی جیت پر یونیورسٹی میں ان کے حامی پرجوش نظر آرہے ہیں اور جشن منا رہے ہیں۔
