راجستھان اسمبلی اسپیکر نے راجستھان ہائی کورٹ کے اس حکم کو چیلنج کیا ہے جس میں جمعہ کے روز اس نے سچن پائلٹ اور ان کے خیمہ کے 18 اراکین اسمبلی کے خلاف کاروائی پر روک لگا دی ہے۔
درخواست میں کہا گیا ہے کہ ہائی کورٹ اسمبلی کے اسپیکر کو سچن خیمہ پر کاروائی کرنے سے نہیں روک سکتا۔ عدالت کا کل کا حکم عدلیہ اور انتظامیہ میں ٹکراؤ پیدا کرتا ہے۔ عرضی پر آج ہی سپریم کورٹ سے سماعت کی مانگ کی جائے گی۔
عرضی گزار نے ہائی کورٹ کے عبوری حکم پر روک لگائے جانے کا بھی سپریم کورٹ سے مطالبہ کیا ہے۔ درخواست میں اسپیکر نے سپریم کورٹ کے پرانے فیصلے کا حوالہ بھی دیا ہے کہ سپریم کورٹ نے اپنے پرانے فیصلہ میں کہاتھا کہ جب تک نااہلی کی کاروائی مکمل نہیں ہو جاتی تب تک اسپیکر کی کاروائی میں عدالت دخل اندازی نہیں کرسکتی۔
