جے پور میں موسلا دھار بارش، عوام نے لی راحت کی سانس

ریاست راجستھان کے کئی اضلاع میں موسم نے کروٹ بدلی اور موسلا دھار بارش کی وجہ سے موسم خوشنما ہو گیا۔

ریاست راجستھان میں دارالحکومت جے پور سمیت مختلف مقامات میں موسم نے کروٹ بدلی اور موسلا دھار بارش کی وجہ سے موسم خوشنما ہو گیا۔

جے پور میں جمعے کو بعد دوپہر موسلا دھار بارش کا دور قریب 15 منٹ تک جاری رہا اس درمیان لوگوں نے بارش کا خوب لطف اٹھایا۔

بارش اتنی تیز تھی کہ دارالحکومت جے پور کے کئی علاقوں میں پانی بھر گیا اس وجہ سے گاڑی چلانے والے لوگوں کو کافی زیادہ مشکلات کا سامنا کرنا پڑا۔

وہیں بارش کی وجہ سے عوام نے شدت کی گرمی سے راحت کی سانس لی۔

واضح رہے کہ راجستھان کے دارالحکومت جے پور میں حالیہ دنوں گرمی کے قہر کی وجہ سے لوگوں کو مشکلات کا سامنا کرنا پڑ رہا تھا۔