راجستھان کانگریس کے انچارج اجے ماکن بھی آج شام کو تیاریوں کے سلسلے میں کشن گڑھ پہنچیں گے۔ ضلع اجمیر میں دیہات کانگریس تنظیم نہ ہونے کے سبب تمام تیاریوں کی ذمہ داری ریاستی کانگریس کی نائب صدر اور سابق وزیر نسیم اختر انصاف دیکھ رہی ہیں۔
محترمہ انصاف نے آج پشکر بلاک کانگریس کی میٹنگ مالیار مندر میں کی جس میں انہوں نے راہل گاندھی کی روپن گڑھ ریلی کو کامیاب بنانے کی اپیل کی اور زیادہ سے زیادہ کسانوں اور پارٹی کارکنان سے ریلی میں شامل ہونے کی اپیل کی۔
راہل گاندھی 13 فروری کو کشن گڑھ ہوائی اڈہ پہنچیں گے جہاں سے وہ روپن گڑھ پہنچ کر کسان ریلی سے خطاب کریں گے۔ بتایا جا رہا ہے کہ راہل گاندھی اور ریلی کے مدنظر پولیس انتظامیہ بھی مستعد ہو گئی ہے۔
انسپکٹر جنرل پولیس اجمیر رینج ایس سینگتِھر اور پولیس افسر جگدیش شرما نے پورے راستے کا دورہ کر کے صورتحال کا جائزہ لیا۔ ریلی روپن گڑھ کی سرحد مانپورہ تک جائے گی اور اس کے بعد نگری داس اسٹیڈیم میں عوامی ریلی منعقد ہوگی۔
مزید پڑھیں: جوشی مٹھ ڈیم ٹوٹنے کا ویڈیو وائرل
بتایا جا رہا ہے کہ آج شام کو انچارج اجے ماکن کے سامنے تیاریوں کو رکھا جائے گا اور پھر وہ غور و خوض کرنے کے بعد اسے حتمی شکل دیں گے۔ اجے ماکن کے ساتھ راجستھان کانگریس کے صدر گووند سنگھ ڈوٹاسرا بھی کشن گڑھ آئیں گے۔
یو این آئی
