راجستھان کالج میں برسا منڈا کی جینتی کے موقع پر اے بی وی پی کی جانب سے ایک پروگرام منعقد کیا جبکہ اس پروگرام میں برسا منڈا کو کم ہی یاد کیا۔ اس موقع پر اے بی وی پی کے کارکنوں نے کالج کے احاطہ میں طلبا کی جانب سے نماز پڑھنے کے معاملہ کو اٹھایا جس کے بعد انتظامیہ نے انہیں روکنے کی کوشش کی تاہم کارکنوں نے ہنومان چالیسا پڑھنا شروع کردیا۔
اس موقع پر مذہبی منافرت پھیلانے کی کوشش کی گئی اور نعرے بازی کی گئی۔ بعدازاں پولیس نے اے بی وی پی کے کارکنوں کو منتشر کردیا۔ اے بی وی پی رکن ہوشیار مینا نے کہاکہ ہم لوگ برسا منڈا کی جینتی منانے کے لیے یہاں جمع ہوئے۔ انہوں نے کہا کہ کچھ لوگ راجستھان یونیورسٹی کو مذہب کے نام پر تقسیم کرنے کی کوشش کر رہے ہیں، لیکن ایسا کرنے کی اجازت نہیں دی جائے گی۔
یہ بھی پڑھیں:
کنگنا کا بیان مجاہدین آزادی کی توہین کے مترادف: اسدالدین اویسی
واضح رہے کہ گزشتہ جمعرات کو راجستھان کالج میں کچھ مسلم طلبا نماز ادا کررہے تھے کہ انہیں وائس پرنسپل نے روک دیا تھا۔
