راجستھان کے دارالحکومت جے پور میں آج پانی کا پائپ پھٹ گیا، جس سے ہزاروں لیٹر پانی خراب ہوا۔ یہ پانی کا پائپ جے پور کے گنگاپول علاقے میں پھٹا۔ پانی کا پائپ پھٹنے سے سڑک پر پانی ہی پانی ہوگیا۔
پانی کا پائپ پھٹنے کی وجہ سے اس پانی میں بچے نہاتے ہوئے نظر آئے۔ مقامی لوگوں نے پولیس کو اطلاع دی۔ اس کے بعد غلطا تھانے کی پولیس موقع پر پہنچی اور حالات کو سنبھالا۔
مقامی رہنما موقع پر پہنچے اور میونسپل کارپوریشن اور محکمہ پانی کے اعلیٰ افسران اور ملازمین کو فون کیا لیکن کافی دیر تک پانی بہتا رہا۔
تقریبا دو گھنٹے بعد مونسپل کارپوریشن اور محکمہ پانی کے ملازمین موقع پر پہنچے اور پانی کو بند کروایا۔
- یہ بھی پڑھیں: جے پور: دارالحکومت ہونے کے باوجود سڑکوں کی حالت خراب
مقامی رہنما غفور منصوری نے کہا کہ 'ہم لوگوں کو جیسے ہی اطلاع ملی کہ یہ بڑا واقعہ ہمارے علاقے میں پیش نظر آیا ہے تو ہم لوگ فوراً ہی موقع پر پہنچے اور یہاں تمام ملازمین کو اس بارے میں بتایا گیا۔ کچھ ہی دیر میں یہ پانی بند کروا دیا گیا۔
واضح رہے کہ چھ ماہ میں دوسری مرتبہ ایسا ہوا ہے جب اس طرح کے پانی کا پائپ پھٹنے کا معاملہ اس علاقے میں پیش آیا ہے۔
