ریاست راجستھان کے دارالحکومت جئے پور کے مسلم اکثریتی آبادی علاقوں میں اب بھی بنیادی سہولت کا فقدان ہے۔ ان دنوں ان علاقوں میں سیورج چیمبر جام ہونے کی وجہ سے عوام کو پریشانیوں کا سامنا ہے۔ چیمبر جام ہونے کی وجہ سے نالیوں کا گندا پانی سڑکوں پر بھڑ گیا ہے۔ عوام کو ہو رہی پریشانی کا اندازہ اسی بات سے بھی لگایا جاسکتا ہے کہ' ان نالیوں کے گندے پانی کی وجہ سے یہاں کی فضا بھی بدبودار ہوگئی ہے، کووڈ اور موسمی بیماری کا خدشہ بڑھ گیا ہے۔
اس سلسلے میں ای ٹی وی بھارت کے نمائندے نے مقامی باشدنوں سے بات کی تو انہوں نے کہا کہ' کئی دفعہ سیورج جام ہونے کی شکایت کونسلر سمیت انتظامیہ سے کی گئی اس کے باوجود اس جانب کوئی توجہ نہیں دی گئی، جبکہ میونسپل کاروپوریشن کے انتخاب کے دوران سیاسی رہنما علاقے کے مسائل کو حل وعدہ کرتے ہیں، اور کہتے ہیں کہ انتخابات کے بعد ان کے مسائل کا حل ضرور نکالیں گے، لیکن انتخابی نتائج آئے ہوئے کافی دن ہوگئے لیکن ہمارے مسائل حل نہیں ہوئے۔ پورے علاقے میں نالے کا پانی ایک مسئلہ بنا ہوا ہے۔
سیوریج چیمبر جام ہونے کی وجہ سے ہم لوگوں کو کافی پریشانیوں کا سامنا ہے، عوام نے مطالبہ کیا کہ ان کی پریشانی کی جانب حکومت و انتظامیہ توجہ دیں تاکہ ان کے مسائل حل ہوسکے'۔
