راہل پرکاش نے ای ٹی وی بھارت سے خاص بات چیت کے دوران کہا کہ ہم لوگوں کو ہسپتال کے مردہ گھر سے ملی اطلاع کے مطابق اب تک اس حادثے میں گیارہ لوگ ہلاک ہوچکے ہیں اور 28 سے 30 لوگوں کو پولیس نے ہسپتال میں داخل کرایا ہے۔ گیارہ سے بارہ لوگوں کا علاج ابھی ہسپتال میں چل رہا ہے۔ انہوں نے بتایا کہ سول ڈیفینس کی ٹیم، پولیس کی ٹیم اور ایس ڈی آر ایف کی ٹیم نے مل کر بہت اچھا کام کیا ہے، اس کے علاوہ جو مقامی باشندے ہیں ان لوگوں نے بھی کافی تعاون کیا ہے۔
انہوں نے مزید بتایا کہ پہاڑ پر چڑھنا کافی مشکل ہے، اوپر کافی اندھیرا ہے، روشنی کا کوئی ذریعہ نہیں ہے اس لیے ہم لوگ بار بار سرچ کررہے تھے۔ تین مرتبہ ہم لوگوں نے پورے علاقے کو سرچ کیا ہے۔ انہوں نے بتایا کہ اتوار پوری شب آپریشن جاری رہا اور کل ایک مرتبہ پھر ہم لوگ آپریشن چلائیں گے، جس میں ڈرون کیمرے کا بھی استعمال کیا جائے گا اور دیکھا جائے گا کہ کہیں پر کوئی زخمی تو نہیں ہے۔
یہ بھی پڑھیں:اتر پردیش میں آسمانی بجلی کا قہر، 41 افراد ہلاک
واضح رہے کہ دارالحکومت جے پور کے آمیر علاقے میں آسمانی بجلی گرنے سے جو لوگ ہلاک ہوئے ہیں انہیں چار لاکھ روپے دینے کا اعلان راجستھان کے وزیر اعلیٰ اشوک گہلوت کی جانب سے کیا گیا ہے۔
