راجستھان میں اقلیتی وزیر کی مسلمانوں سے اپیل

راجستھان میں مذہبی رہنما اور اقلیتی وزیر نے مسلمانوں سے عیدالاضحیٰ کے مقع پر حکومت کی جانب سے جاری ایس او پیز پر عمل کرنے کی اپیل کی ہے۔

راجستھان میں مذہبی رہنما عیدالاضحیٰ کے متعلق مسلمانوں سے گزارش کرتے ہوئے نظر آرہے ہیں کہ وہ عید کے موقع پر حکومتی ایڈوائزری کا مکمل طور پر خیال رکھیں ایسے میں اب راجستھان حکومت بھی اس پورے معاملے کے متعلق اپیل جاری کر رہی ہے۔

راجستھان حکومت میں اقلیتی وزیر صالح محمد کی جانب سے عیدالاضحی کے موقع پر مبارکباد پیش کی گئی ہے۔ مبارکباد دینے کے بعد صالح محمد نے مسلمانوں سے اپیل کرتے ہوئے کہا ہے کہ جس طرح سے عیدالفطر کے موقع پر حکومتی ایڈوائزری کا مکمل طور پر خیال رکھا گیا ہے اسی طرح سے عید الاضحیٰ کے موقع پر بھی اس بات کا خیال رکھا جائے۔

انہوں نے کہا کہ عید الاضحی کی نماز اپنے گھروں پر لوگ ادا کریں اور خاص طور سے سماجی فاصلہ کا خیال رکھیں اور اپنے ہاتھوں کو مسلسل سینٹائز بھی کریں۔ صالح محمد کا کہنا ہے کی عید الاضحیٰ کے موقع پر عالمی وبا کورونا کے خاتمے کے لیے خاص دعا بھی کی جائے۔

انہوں نے اپنی اپیل میں کہا کہ مجھے پوری امید ہے کی اس مرتبہ بھی مسلمان حکومت کی ایڈوائزری کا خیال رکھیں گے اور صفائی کا خیال رکھتے ہوئے عید الاضحیٰ کا تہوار منایا جائے گا۔ واضح رہے کہ عید الاضحیٰ کا تہوار 1 اگست سنیچر کے روز منایا جائے گا۔