راجستان مسلم پریشد تنظیم کے ریاستی صدر یونس چوپدار کا کہنا ہے کہ آج راجستھان مسلم پریشد تنظیم اور نوجوان کانگریس کی جانب سے جے پور پولیس کمشنر کو ایک میمرنڈم سونپا گیا ہے۔
انہوں نے کہا کہ ہم نے یہ مطالبہ کیا ہے کہ ایک نجی ٹی وی اینکر جس نے خواجہ معین الدین چشتی رحمۃ اللہ علیہ کی شان میں گستاخی کی ہے اس پر جلد سے جلد کاروائی کی جائے۔ ورنہ لاک ڈاؤن کے درمیان اگر قانونی انتظام خراب ہوتے ہیں تو اس کی ذمہ داری پولیس کی ہوگی۔ اس لئے ہم نہیں چاہتے کہ کسی طرح سے ماحول خراب ہو۔
اسی معاملے میں ایڈووکیٹ افضل نے کہا کہ ٹی وی اینکر کی جانب سے ایک ویڈیو وائرل کیا گیا ہے جس سے صاف طور پر پتہ چلتا ہے کہ ٹی وی اینکر نے معافی نہیں مانگی ہے بلکہ اپنی غلطی کو چھپایا ہے۔ ہم یہ مطالبہ کرتے ہیں کہ انہوں نے جس طرح سے خواجہ صاحب کی شان میں گستاخی کی ہے وہ جلد سے جلد معافی مانگے ورنہ ان کے خلاف جلد سے جلد کاروائی کی جائے گی۔
