ریاست راجستھان کے دارالحکومت جے پور میں وزیر اعلی اشوک گہلوت کی رہائش گاہ پر راجستھان حکومت میں کابینی وزیروں کا ایک اجلاس منعقد ہوا۔
راجستھان: وزیراعلی کے ساتھ کابینی وزراء کی میٹنگ
اجلاس میں ریاستی حکومت میں جو کابینی وزراء ہیں ان تمام لوگوں نے شرکت کر عالمی وباء کورونا کے خاتمے کے لیے جو انتظامات کیے جا سکتے ہیں اس تعلق سے یہاں گفتگو کی۔
اس موقع پر ریاستی وزیر صحت رگھو شرما نے بتایا کہ' اس کابینی اجلاس میں کرونا وبا کو راجستھان میں کس طرح شکست دینی ہے اس بارے میں خاص طور پر بات کی گئی۔
انہوں نے کہا کہ' اب ریاست راجستھان میں روزانہ بارہ ہزار سے زیادہ کورونا کے ٹیسٹ ہو رہے ہیں اس لیے راجستھان میں کورونا وباء سے متاثرہ مریضوں کی تعداد میں اضافہ ہو رہا ہے۔
