خانو خان نے کمیٹی برخاست کرنے کا فیصلہ کیا، کاروائی کا بھی اشارہ

راجستھان مسلم وقف بورڈ کے چیئرمین ڈاکٹر خانو خان بودھوالی ایکشن میں نظر آ رہے ہیں۔ اس بات کا اندازہ اسی بات سے لگایا جاسکتا ہے کہ وہ اب راجستھان کے سروہی کے ماؤنٹ آبو علاقے کے راجستھان مسلم وقف بورڈ کی، جو مقامی کمیٹی ہے کو برخاست کرنے کا فیصلہ کیا ہے، اتنا ہی نہیں خان اس فرضی کمیٹی کے ذمہ داران پر بڑا ایکشن بھی لے سکتے ہیں۔

راجستھان مسلم وقف بورڈ کے چئیرمین خانو خان بودھوالی نے ای ٹی وی بھارت سے خاص بات چیت میں بتایا کہ میں تین روزہ راجستھان کے مختلف ضلع کے دورے پر رہا، سب سے زیادہ جو فرضی کام پائے گئے ہیں وہ ماؤنٹ آبو علاقہ میں پائے گئے ہیں۔ یہاں پر جو مسلم بورڈ کی جائیداد ہے، اس کو فرضی طریقے سے بیچا بھی گیا ہے۔ یہ پورا کام وہاں کی کمیٹی کی جانب سے کیا گیا ہے۔ کمیٹی فرضی طریقے سے بنائی گئی ہے، اس لیے ہماری جانب سے اب کاروائی کو عمل میں لایا جائے گا اور جو بھی اس پورے معاملے میں شامل ہیں ان کو کسی بھی صورت میں نہیں بخشا جائیگا۔ خان کا کہنا ہے کہ ہماری جانب سے جو کمیٹی نے اپنا بینک اکاؤنٹ بنا رکھا تھا اس کو سیل کر دیا گیا ہے۔