جے پور: کربلا علاقے میں چائے کی دکان نہیں کھولنے کا فیصلہ

راجستھان کے جے پور میں کربلا علاقے میں دکانداروں نے چائے کی دکان نہیں کھولنے کے لئے اپنی اپنی رضا مندی ظاہر کی ہے۔ یہ فیصلہ تین روز قبل ہوئے قتل کے بعد مقامی لوگوں نے لیا ہے۔

راجستھان کی دارالحکومت جے پور کے کربلا علاقے میں اب کوئی بھی چائے کی دکان نہی کھلے گی، چائے کی دکان نہی کھولنے کا فیصلہ یہاں کے مقامی باشندوں کی جانب سے لیا گیا ہے۔ یہ فیصلہ تین روز قبل کربلا علاقے میں ہوئے قتل کے بعد میں مقامی باشندوں کی جانب سے لیا گیا ہے۔

اس پورے معاملے کو لے کر کربلا علاقے میں ایک اہم اجلاس گزشتہ دن ہوا تھا، جس میں مقامی باشندے کثیر تعداد میں شریک ہوئے تھے اور میٹنگ کے بعد یہ فیصلہ لیا گیا تھا کہ جو بھی یہاں پر چائے کی دکان کھولے گا اس کی مخالفت کی جائے گی۔

مقامی باشندوں نے اس وقت اجلاس میں اس بات کا صاف طور پر اعلان کردیا ہے کہ اگر کوئی بھی دکان کھولتا ہے تو کسی بھی طرح سے کوئی ماحول خراب ہوگا تو اس کی ذمہ داری ہوگی۔

مقامی باشندوں نے ای ٹی وی بھارت سے خاص بات چیت کے دوران بتایا کہ ہم تمام مقامی باشندوں نے آج ایک اہم میٹنگ کی ہے، اس میٹنگ میں ہم لوگوں نے یہ فیصلہ کیا ہے کہ یہاں پر دو روز قبل جو قتل ہوا ہے اس کے بعد میں کربلا روڈ سے لے کر کربلا درگاہ تک کسی طرح سے کوئی بھی چائے کی دکان کربلا علاقے میں نہی کھولنے دی جائے گی۔