دوپہر تین بجے تک بھی ان دکانوں میں لگی ہوئی آگ پر قابو نہیں پایا گیا تھا، چالیس سے زیادہ فائر بریگیڈ کی گاڑیاں موقع پر پہنچ چکی ہیں، پولیس کی جانب سے پوری مارکیٹ کو خالی کروا لیا گیا ہے۔
تمام محکموں کے اعلیٰ افسران بھی موقع پر موجود ہیں جو حالات کو سنبھالتے ہوئے نظر آرہے ہیں، فائر بریگیڈ کے کارکنان آگ پر قابو پانے کی پوری کوشش کر رہے ہیں۔
وہیں محکمہ فائربریگیڈ کا ایک جوان بے ہوش ہوگیا جسے اسپتال روانہ کردیا گیا ہے۔
معلومات کے مطابق جےپور شہر کے اندرا مارکیٹ میں پٹاکھوں کی ایک دکان میں آگ لگ گئی تھی جس کے بعد اس آگ نے اپنے آس پاس کی دکانوں کو بھی اپنی لپیٹ میں لے لیا۔
قسن پول اسمبلی حلقہ سے رکن اسمبلی امین قاضی کا کہنا ہے کہ اس پورے معاملے کی جانچ کروائی جائے گی جو بھی اس پورے معاملے میں ملزم ہوں گے ان کے خلاف کارروائی کو عملی جامہ پہنایا جائےگا۔
