مدرسہ پیرا ٹیچر کی خوشی کا اندازہ اسی بات سے لگایا جاسکتا ہے کہ راجستھان بھر کے مدرسہ میں پڑھانے والے تمام پیرا ٹیچر ریاستی حکومت میں اقلیتی وزیر صالح محمد کا شکریہ ادا کرنے کے لیے آج ان کی ان کی رہائش گاہ پہنچیں گے۔
اس ایکٹ پاس ہونے کے بعد راجستھان مدرسہ ٹیچر تنظیم کے ذمہ داران نے کہا کہ راجستھان مدرسہ بورڈ ایکٹ جو ریاستی اسمبلی میں پاس کیا گیا ہے اس کے لیے ہم راجستھان حکومت میں اقلیتی وزیر صالح محمد، وزیراعلی اشوک گہلوت اور حکومت کا تہہ دل سے شکریہ ادا کرتے ہیں۔
پیرا ٹیچر تنظیم کے ذمہ داران کے مطابق راجستھان مدرسہ بورڈ ایکٹ پاس کرنے کا مطالبہ گذشتہ کئی برس سے کیا جا رہا تھا، اس کے علاوہ ہمارا یہ بھی مطالبہ تھا کہ ہم تمام لوگوں کو پرمانینٹ کیا جائے۔
پیرا ٹیچرز تنظیم کے صدر اعظم خان پٹھان کا کہنا تھا کہ ہمیں جس طرح سے چاہے پرماننٹ کیا جائے لیکن اس جانب بھی توجہ دینے کی ضرورت ہے۔
واضح رہے کہ راجستھان بھر کے مدرسہ میں پڑھانے والے مدرسہ پیرا ٹیچر گزشتہ کافی برس سے راجستھان مدرسہ بورڈ ایکٹ پاس کرنے کا مطالبہ کر رہے تھے، جو کہ اشوک گہلوت حکومت نے ان کے مطالبے کی گزشتہ روز تکمیل کر دی۔
