ریاست راجستھان کے شاہ جہاں پور بارڈر پر بھی کسانوں نے حکومت کے خلاف احتجاج شروع کرنے کا فیصلہ کیا ہے۔ کسان رہنما یوگیندر یادو کی موجودگی میں کسانوں نے حکومت کے ذریعے لائے گئے قوانین کے خلاف احتجاجی مظاہرہ شروع کر دیا ہے۔
راجستھان اور ہریانہ کے کسان بھی شاہ جہاں پور کے بارڈر پر آج جمع ہو چکے ہیں۔کل رات ہی پنجاب کے کافی کسان بھی اس بارڈر پر پہنچ چکے ہیں۔ اس تحریک میں خواتین بھی بڑی تعداد میں شریک ہو رہی ہیں۔
کسانوں کا کہنا ہے کہ جب تک حکومت اپنے قوانین کو واپس نہیں لے لیتی تب تک کسان پیچھے نہیں ہٹیں گے، چاہے پھر انہیں اپنی جان کی بازی لگانی پڑے۔
یہ بھی پڑھیں: شوپیان: آن لائن سیب کی تجارت
اس موقع پر یوگیندر یادو نے کہا کہ یہاں سے ہم دہلی کوچ کریں گے۔ اپنے کارواں کو دہلی کی طرف لے کر جائیں گے۔ لیکن جہاں پر پولیس نے ہمیں روک دیا ہم وہیں پر بیٹھ کر اپنا احتجاج جاری رکھیں گے اور آخری وقت تک ہم ان قوانین کے خلاف لڑتے رہیں گے۔
