ریاست راجستھان کے دارالحکومت جے پور میں آج 26 جنوری کے موقع پر یوم جمہوریہ پورے ملک میں عقیدت اور احترام کے ساتھ منایا جا رہا ہے۔
اس موقع پر جن لوگوں نے بہترین کارکردگی کا نمونہ پیش کیا ہے ان تمام لوگوں کو مرکزی حکومت اور ریاستی حکومت کی جانب سے حوصلہ افزائی کی گئی۔
آج اس خاص موقع پر جے پور کے کربلا علاقے کربلا یوا شانتی اور سدھار سمیتی کی جانب سے صفائی خدمات کو انجام دینے والے صفائی ملازمین کی حوصلہ افزائی کرتے ہوئے مالا اور صافحہ پہنایا گیا۔
واضح رہے کہ پروگرام کے مہمان خصوصی علاقہ برہم پوری تھانہ انچارج بھارت سنگھ تھے۔
اس موقع پر انچارج بھارت سنگھ نے ای ٹی وی بھارت سے بات چیت کرتے ہوئے راجستھان اور ملک کی عوام کو مبارکباد پیش کی۔
سوسائٹی کے صدر سلیم کا کہنا ہے کے یوم آزادی اور یوم جمہوریہ کے موقع پر جو لوگ بہترین کام کرتے ہیں ان کو انعامات دیے جاتے ہیں اور ایسے میں جو لوگ علاقے میں صفائی خدمات کو انجام دیتے ہیں وہ ہمارے لیے خاص ہیں۔
انہوں نے کہا کہ اس لیے کربلا یوا شانتی اور سدھار سمیتی نے سوچا کہ صفائی خدمات گزاروں کو اعزازات سے سرفراز کیا جائے، اسی لیے آج ان تمام لوگوں کو انعامات تقسیم کیے جارہے ہیں۔
سلیم کا کہنا ہے کی ہم کو بے حد خوشی ہے کہ ہم ایسے لوگوں کی حوصلہ افزائی کررہے ہیں جو ہمارے درمیان صفائی انتظامات کو بہتر بناتے ہیں۔
