راجستھان وقف بورڈ Rajasthan Waqf Bord کے چیئرمین کے انتخاب کا اعلان آج وقف بورڈ انتخابی افسر کی جانب سے کیا گیا ہے۔ انتخابی افسر کی جانب سے جاری کیے گئے نوٹس کے مطابق 17 جنوری کو صبح گیارہ بجے راجستھان مسلم بورڈ کے اراکین کی ایک اہم میٹنگ منعقد ہوگی۔ اس دن جو چیئرمین کے لیے دعویدار ہیں وہ اپنی نامزدگی داخل کریں گے۔
اسی دن دوپہر کو تین بجے سے پانچ بجے تک ووٹنگ کی جائے گی۔ اس ووٹنگ میں نو اراکین شامل ہوں گے۔ وہیں شام کو پانچ بجے کے بعد ووٹوں کی گنتی شروع ہوگی۔ فی الحال چیئرمین کے طور پر ڈاکٹر خانو خان بودھوالی کا نام سمجھا جارہا ہے۔
چیئرمین کے انتخاب کی تاریخوں کے اعلان کے بعد میں راجستھان کی وقف کمیٹیوں سے تعلق رکھنے والے لوگوں میں کافی سرگرمیاں بھی دکھائی دے رہی ہے۔
واضح رہے کہ اکتیس دسمبر کو راجستھان کے وزیراعلی اشوک گہلوت کی جانب سے چار لوگوں کو راجستھان مسلم وقف بورڈ میں اراکین کے طور پر نامزد کر دیا گیا تھا۔ جس کے بعد چیئرمین کے انتخاب کی تاریخوں کا اعلان کیا گیا ہے۔
سماجی کارکن کے طور پر ڈاکٹر خانوخان بودھوالی، رکن اسمبلی کے طور پر رفیق خان، رکن پارلیمنٹ کے طور پر عشق علی ٹاک، بار کونسل رکن کے طور پر شاہد علی نقوی، متولی کوٹہ سے شبیر احمد اور یوسف،اور شیعہ عالم کے طور پر رانا زیدی، سنی عالم کے طور پر ریشمہ، راجستھان ایڈمیشنٹر سروسیس آفیسر کے طور پر اسلم شیر خان کا دیا گیا۔
