اے سی بی نے ٹرانسپورٹ انسپیکٹر کو دلال سے 40 ہزارروپے رشوت لیتے ہوئے گرفتار کرلیاہے۔ ساتھ ہی ساتھ دلالوں کے پاس دیگر افسران کو ماہانہ دینے کے لیے رکھی گئی تقریبا ایک لاکھ 20 روپے نقد رقم بھی ضبط کیے ہیں۔
اطلاعات کے مطابق اے سی بی نے محکمہ ٹرانسپورٹ کے سات اہلکاروں اور نو دلالوں کو گرفتار کیا ہے، اے سی بی کے سرچ آپریشن کے دوران اب تک دلالوں سے تقریبا ایک کروڑ 20 لاکھ روپے نقد رقم، جائیداد کے دستاویزات اور رشوت کے لین دین کی فہرست برآمد ہوئی ہیں، 'اے سی بی' کی مزید کارروائی جاری ہے۔
اے سی بی کے ڈائریکٹر جنرل الوک ترپاٹھی نے بتایا کہ اینٹی کرپشن بیورو نے محکمہ ٹرانسپورٹ کے عہدیداروں سے دلالوں کے ذریعہ گاڑیوں کے مالکان کو دھمکیاں دے کر رشوت کی رقم بطور ماہانہ وصولی کرنے کے بارے میں اطلاع موصول ہوئی تھی۔
اسی دوران مشتبہ ملزمان کی خفیہ تصدیق سے انکشاف ہوا ہے کہ محکمہ ٹرانسپورٹ کے عہدیداروں کی جانب سے دلالوں کے ذریعہ کمرشل گاڑیوں اور بسوں کو چلائے جانے کے لیے گاڑی آپریٹرز کو دھمکیاں دے کر ماہانہ رشوت وصولی کی جاتی ہے۔
موصول اطلاعات کے مطابق کارروائی کے دوران ٹرانسپورٹ انسپکٹر ادئے وير سنگھ کو دلال منیش مشرا کی جانب سے 40 ہزار روپے کی رشوت لیتے ہوئے رنگے ہاتھوں پکڑا گیا اور منیش مشرا کے پاس سے دیگر افسران کو ماہانہ دینے کے لیے رکھے ایک لاکھ 20 ہزار روپے بھی ضبط کیے گئے ہیں۔
