راجستھان کے ضلع جھنجھنو میں اینٹی کرپشن بیورو نے آج صبح چڑاوا بلدیہ کے چیف ایگزیکٹو افسر انل چودھری کو تین لاکھ روپے کی رشوت لیتے ہوئے گرفتارکیا۔
بیورو کے سرکاری ذرائع کے مطابق بیورو کی ٹیم نے چودھری کو ڈانگر روڈ واقع ان کی رہائش گاہ پر شکایت کنندہ سے دو پلاٹوں کے پٹے جاری کرنے کے معاملے میں تین لاکھ روپے کی رشوت لیتے ہوئے رنگے ہاتھوں گرفتار کر لیا۔
یہ بھی پڑھیں:
کشمیر: ایل او سی پر شدید گولہ باری، 2 بی ایس ایف جوان اور 4 عام شہری ہلاک
افسر نے شکایت کنندہ سے دو پلاٹوں کے 90-اے کی کارروائی کر کے لیز جاری کرنے کے عوض میں بارہ لاکھ روپے کی رشوت کا مطالبہ کیا تھا۔ بعد میں تین لاکھ روپے پر معاملہ طے ہوا۔ بیورو ٹیم چودھری کے گھر پر دستاویز تلاش کر رہی ہے۔
