کیمپس فرنٹ آف انڈیا کی جانب سے کینڈل مارچ موتی ڈونگری علاقہ میں واقع مسلم مسافر کھانے سے روانہ ہوا اور مختلف راستوں سے ہوتا البرٹ ہال پہنچا۔ اس کینڈل مارچ میں شامل تمام لوگوں نے اپنے ہاتھوں میں متاثرہ خاتون کو انصاف ملے اس کی تختیاں لے رکھی تھی۔اس دوران مرکزی حکومت اور دہلی پولیس کے خلاف جم کر نعرے بازی کی گئی۔
جے پور کیمپس فرنٹ آف انڈیا کے صدر انضمام احمد نے بتایا کہ دہلی میں ہوئے متاثرہ خاتون کے ساتھ جنسی زیادتی اور قتل کے خلاف احتجاج کر رہے اور ملزمین کو سخت سزا کا مطالبہ کرتے ہیں۔
انہوں نے کہا کہ اس پورے معاملے میں دہلی پولیس نے صحیح طرح سے کاروائی نہیں کی۔ اس لئے ہم متاثرہ کو انصاف ملے اس بات کا مطالبہ کر رہے ہیں۔ انہوں نے کہا کہ اگر متاثرہ کو انصاف نہیں ملتا ہے تو بڑا احتجاجی مظاہرہ بھی کیا جائے گا۔
وہیں اس کینڈل مارچ میں شامل ایک خاتون کا کہنا تھا کہ ملک کے وزیراعظم نریندر مودی جب تین طلاق کا قانون لے کر آئے تھے تو وہ مسلم خواتین کو حمایت دینے کا وعدہ کیا کرتے تھے، لیکن جس طرح سے اب دہلی میں ایک بڑی واردات سامنے آئی ہے اور ملک کے وزیراعظم کچھ نہیں کر رہے ہیں، ہم یہ مطالبہ کرتے ہیں کہ ملک کے وزیراعظم اس بڑی واردات کی جانب توجہ دیں اور جو بھی قصوروار ہیں ان کو جلد سے جلد سزا دی جائے۔ اس دوران کثیر تعداد میں کیمپس فرنٹ آف انڈیا کی کارکنان، عہدیداران سمیت خواتین موجود رہیں۔
مزید پڑھیں:
