کوٹہ میں کورونا مریضوں کی تعداد 205 تک پہنچی

ریاست راجستھان کے کوٹہ میں سنیچر کو ایک اور کورونا کا مثبت کیس سامنے آیا ہے، یہاں ایک خاتون میں کورونا کی تشخیص ہوئی ہے، جس کے بعد کوٹہ میں کورونا مثبت مریضوں کی مجموعی تعداد 205 تک جا پہنچی ہے، جبکہ سات افراد صحتیاب بھی ہو چکے ہیں۔

کوٹہ کے کیشو پور کے سیکٹر سات میں مقیم 32 برس کی ایک خاتون میں کورونا کی تشخیص ہوئی ہے، اور اس خاتون کی رپورٹ مثبت آئی ہے، جس کے بعد کوٹہ میں کورونا کی مثبت مریضوں کی مجموعی تعداد 205 تک جا پہنچی ہے۔

وہیں موصول اطلاعات کے مطابق میڈیکل کالج اسپتال کی سپر اپیشلیٹی ونگ میں زیر علاج کورونا کے 205 مریضوں میں سے 140مریضوں کی جانچ رپورٹ دو بار منفی آئی ہے۔

جس کے بعد ان میں سے سات افراد کو 14 دنوں کے قرنطین کے بعد اسپتال سے فارغ کر دیا گیا ہے، وہیں اب تک 47 مریض اسپتال سے فارغ ہو چکے ہیں۔