راجستھان: جماعت سے لوٹے چار لوگوں کی کورونا رپورٹ مثبت

راجستھان کے ٹونک شہر سے تعلق رکھنے والے پانچ لوگ گذشتہ روزتبلیغی جماعت سے شہر لوٹے تھے انہوں نے لوٹنے کے بعد کسی سے بھی اپنے سفر کی تفصیل شئر نہیں کی تھی لیکن پولیس اہلکاروں کو اطلاع ملتے ہی ان کی جانچ کی گئی جن میں چار لوگوں کی رپورٹ مثبت آئی ہے، ایک فرد کی رپورت ابھی آنی باقی ہے۔

ریاست راجستھان کے شہر ٹونک سے تعلق رکھنے والے پانچ تبلیغی جماعت سے لوٹے لوگوں میں بھی وائرس کی تصدیق کے بعد مقامی لوگوں میں کافی خوف دیکھنے کو مل رہا ہے۔ ان کے تعلق سے پولیس افسران کا کہنا ہے کہ یہ لوگ 23 مارچ کو مرکز نظام الدین سے لوٹے تھے۔

انہوں نے اپنی سفری تفصیل کو چھپایا تھا، اطلاع ملنے کے بعد ان لوگوں کی جانچ کرائی گئی جس کے بعد ان میں سے چار لوگوں میں اس وائرس کی تصدیق ہوئی ہے جبکہ پانچویں شخص کی رپورٹ ابھی نہیں آئی ہے۔

ان تمام افراد کو قرنطینہ میں رکھا گیا ہے۔ اس معاملے کے بعد شہر میں کر فیو نافذ کرنے کے لیے شہر کے اعلی عہدیداروں کی میٹنگ کی جا رہی ہے ممکن ہے کہ پورے شہر میں کرفیو نافذ کیا جائے۔

واضح رہے کہ 23 مارچ کو مرکز نظام الدین سے پانچ لوگ راجستھان کے ٹونک شہر لوٹے تھے اور آٹھ دنوں تک یہ سبھی لوگوں سے محلے میں ملتے جلتے رہے ہیں۔