چھتیس گڑھ کے جگدلپور میں واقع ڈمراپال میڈیکل کالج میں آج صبح ایک ایمپلائی لیڈر کی کورونا سے موت ہوگئی، ان کی رپورٹ کورونا پازیٹیو آنے کے بعد میڈیکل کالج کے کووڈ۔19 وارڈ میں داخل کرایاگیا جہاں علاج کے دوران ان کی موت ہوگئی۔
میڈیکل کالج کے سپرنٹنڈنٹ ڈاکٹر کے ایل آزاد نے اس بات کی تصدیق کی ہے، دس دنوں پہلے ہی ایمپلائی لیڈر کی کورونا رپورٹ پوزیٹیو آئی تھی۔ انہیں کووڈ۔19 وارڈ میں بھرتی کرایا گیاتھا۔
پیر کی رات زیادہ طبیعت خراب ہونے کے بعد انہیں وینٹی لیٹرپر رکھا گیا تھا۔ علاج کے دوران ہی صبح انہوں نے دم توڑ د یا۔ ان کی موت کی خبر ملتے ہی ملازموں میں غم کی لہر دوڑ گئی۔
ادھر بستر انسپکٹر جنرل آف پولیس آفس کے آٹھ لوگ کورونا پازیٹیو پائے گئے ہیں اس میں آئی جی کے دو ڈرائیور، ایک گارڈ اور دفتر کے دیگر پانچ ملازمین شامل ہیں۔ آئی جی بنگلے میں تعینات ملازموں کے کورونا کے زد میں آنے کے بعد آئی جی دفتر کو سیل کردیا گیا ہے۔
