مدھیہ پردیش کے جبل پور ضلع کے برگی تھانہ علاقے میں پولیس نے نرسنگ پور سے اغوا کئے گئے چار ماہ کے بچے کو رہا کرانے کے ساتھ ہی اس معاملے میں شامل چار ملزمان کو گرفتار کرلیا ہے۔
یہ سبھی ملزم معصوم بچے کو مہاراشٹر کے شہر ممبئی میں فروخت کرنے کی کوشش میں تھے۔
پولیس سپرنٹنڈنٹ سدھارتھ بہوگونا نے جمعرات کو اس معاملے کا انکشاف کرتے ہوئے بتایاکہ اغوا کیے گئے بچے کو نرسنگھ پور سے آزاد کرانے کے ساتھ ہی اس معاملے کی ملزم رام پیاری بائی، سنجے پانڈے، اس کی بیوی شاردا اور رانو شرما کو گرفتار کرلیا گیا ہے۔
معاملے کی شکایت کے بعد پولیس نے شبہ کی بنیاد پر رام پیاری کو حراست میں لیا جس نے اپنا جرم قبول کرتے ہوئے بچے کے اغوا کی بات بتائی۔ بعد ازاں پولیس نے بچے کو نرسنگھ پور سے آزاد کراکے ملزمین کو گرفتار کرلیا ۔
پولس نے رپورٹ درج کرکے جانچ شروع کردی ہے۔
