یوم خواتین کے موقع پر خواتین نے مرکزی حکومت سے شہریت ترمیمی قانون کو فورا واپس لینے کا مطالبہ کیا۔ احتجاجی مظاہرے میں مریم دادی نے نعرےبازی کرتے ہوئے وزیراعظم نریندر مودی سے اس قانون کو جلد از جلد واپس لینے کی اپیل کی۔
منتظم شمائلہ خان نے کہا کہ ہم دو مہینے سے زیادہ وقت سے اس شہریت ترمیمی قانون کے خلاف آواز بلند کر رہے ہیں لیکن ہماری بات کوئی بھی سننے کو تیار نہیں ہے، ایسی حالت میں ہم کیسے 'یوم خواتین' کا جشن منا سکتے ہیں۔ انہوں نے مزید کہا کہ 'آج ہم پورے ملک میں احتجاجی مظاہرے جاری ہیں، کیا یہ حکومت کو نظر نہیں آرہا ہے، جس بیٹی، بہنوں اور ماؤں کی مرکزی حکومت کو فکر کرنی چاہئے، وہ آج سڑکوں پر ہے۔
مظاہرین ارم قریشی کا کہنا تھا کہ جس طرح سے حکومت خواتین اور مردوں کے ساتھ سلوک کر رہی ہے وہ ناقابل برداشت ہے۔ شاہین باغ میں عورتوں کے ساتھ بچے بھی پریشان ہو رہے ہیں، شاہین باغ میں ہمارے وزیراعظم نے ایک بار آکر بھی ہماری پریشانی کا سبب نہیں پوچھا۔
