مدھیہ پردیش کے تجارتی دارالحکومت کہے جانے والے شہر اندور میں ہزاروں مزدور قریبی صوبوں سے بھی ملازمت کرنے آتے ہیں لیکن کورنا وائرس کی وبا کے چلتے ملک میں لاک ڈاؤن نافذ ہونے کے بعد مزدوروں کے سامنے کھانے پینے کی کافی زیادہ دشواریاں پیش آرہی ہیں، جس کی وجہ سے تمام مزدور لوگ اپنے آبائی وطن لوٹنا چاہتے ہیں.
مزدور پیدل سفر کرنے پر مجبور
لاک ڈاؤن ہونے کی وجہ سے ٹرانسپورٹ پوری طرح سے بند ہے جس کے سبب یہ لوگ سینکڑوں کلومیٹر پیدل سفر کرنے پر مجبور ہو گئے ہیں، یہ سفر کتنے دنوں میں مکمل ہوگا یہ تو ان کے قدم بتا پائیں گے فی الحال یہ کورونا وائرس کی وبا سے زیادہ اپنے سفر پر توجہ دے رہے ہیں.
واضح رہے کہ ملک میں کورونا کے اثرات بڑھتے ہی جارہے ہیں اب تک کورونا سے متأثر مریض کی تعداد تقریبا ایک ہزار سے تجاوز کرچکی ہے اور ہلاک ہونے والوں کی تعداد 29 پہنچ گئی ہے۔
