ریاست مدھیہ پردیش کے صنعتی شہر اندور میں یوتھ کانگریس کے نو منتخب صدر ڈاکٹر وکرانت بھوریاں نے کہا کہ یہ ملک تب تک ہے جب تک یہ گلدستہ کے مانند ہے۔
نومنتخب یوتھ کانگریس صدر سے خاص بات چیت
انہوں نے کہا کہ اگر اس میں ایک ہی رنگ کے پھول ہوں گے تو پھر یہ ملک نہیں بچے گا ہم کسی ایک شخص کو ملک چلانے کی اجازت نہیں دیں گے۔
انہوں نے کہا کہ کانگریس سب سے پرانی سیاسی پارٹی ہے اور اس نے ہر مذہب ہر طبقے کو ساتھ لے کر ملک کو مضبوط کیا ہے جبکہ بھارتی جنتا پارٹی سیاسی مفاد کے لیے لیے عوام میں انتشار پیدا کر رہی ہے۔
انہوں نے کہا کہ جو ریاست میں فرقہ وارانہ واقعات ہوئے ہیں ہم اس کے لیے گورنر سے ملے ہیں اور معاملات کی جانچ کرنے کا مطالبہ کیا ہے۔
انہوں نے کہا کہ آنے والے میونسپل کارپوریشن انتخابات میں نوجوانوں کو بڑے پیمانے پر موقع ملے گا۔
