ہنگامی وبا نے پورے ملک کو اپنی زد میں لے لیا ہے، اس سے تحفظ کے لیے مرکزی حکومت نے ملک میں مکمل لاک ڈاؤن کر دیا تھا جس سے اجتماعی تقریبات بھی منعقد نہیں کی جا رہی تھی مگر ان لاک پانچ میں زندگی دھیرے دھیرے معمول پر لوٹ رہی ہیں۔
حالانکہ کورونا کا دور ابھی ختم نہیں ہوا مگر عوام کورونا سے کافی حد تک بچنا سیکھ گئی ہے۔
لاک ڈاؤن کے دوران کئی لوگوں نے اپنے وقت کا معقول استعمال کیا، شیلندر جین سکھر نے دو کتابیں لکھیں جس کا صنعتی شہر اندور میں اجراء کیا گیا۔
اس موقع پر شہر کے معزز شخصیات نے شرکت کی تو وہی ملک سے آئے نامور شعراء نے اردو ہندی میں اپنا کلام پیش کیا۔
اس موقع پر راجستھان کے شاعر کنور جاوید , اندور کے پروفیسر ڈاکٹر راجیو شرما, شاعرہ شبانہ شبنم رتلام , کامیڈین واھگرو بھٹیاں نے کلام پیش کیا۔
اس موقع پر شیلندر جیند نے بتایا کہ میں مکمل لاک ڈاؤن کھلنے کا انتظار ہی کر رہا تھا تا کہ لوگوں کو بیدار کر سکوں کہ ان کے حقوق کیا ہے اور اپنے حق جمہوری طریقے سے کیسے حاصل کیا جا سکتا ہے، جس ملک کے لیے ہم جیتے ہیں مرتے ہیں اس ملک کی حکومت ہمارے کتنا خیال رکھتی ہے یہ ملک خوبصورت اور مضبوط بن سکتا ہے۔
