Seminar on Unani Treatment: اندور میں یونانی طریقہ علاج کے کردار پر سمینار

اندور میں واقع الفاروق یونانی میڈیکل کالج میں یونانی طریقہ علاج (Unani Treatment) کے کردارپر یک روزہ سمینار کا انعقاد عمل میں آیا۔ اس سمینار میں طب یونانی سے وابستہ افراد نے شرکت کی اور اس کی اہمیت و افادیت پرروشنی ڈالی۔

مدھیہ پردیش کے شہر اندور میں الفاروق یونانی میڈیکل کالج کے زیر اہتمام ''موجودہ دور میں یونانی طریقہ علاج کا کردار'' (Seminar on Role of Unani Treatment) کے عنوان سے یک روزہ قومی سطح کا سیمینار منعقد کیا گیا۔

اس سمینار میں مقامی و بیرونی سرکردہ شخصیات کے علاوہ شعبہ طب بالخصوص یونانی طب سے جڑے افراد نے شرکت کی۔

سمینار سے خطاب کرتے ہوئے ماہرین نے یونانی طریقہ علاج پر زور دینے کے ساتھ اس کے فوائد اور طریقہ علاج پر بھی تفصیلی روشنی ڈالی۔

ماہرین کا کہنا ہے کہ یونانی طریقہ علاج سستا ہے۔

اس موقع پر مذکورہ شعبہ سے وابستہ افراد کو اعزاز سے بھی نوزاگیا۔

سمینار سے خطاب کرتے ہوئے ڈاکٹر فرید قاضی نے کہا کہ اگرہم یونانی پیتھی کے طریقہ علاج پر مہارت حاصل کرلیتے ہیں تو پھر عالمی سطح پر ہماری پہچان ہو جاتی ہے۔

ڈاکٹر قاضی نے کہا کہ ہم پیسوں کے لئے کام نہیں کرتے۔ بلکہ خدمت خلق کے جذبے سے اپنی خدمات انجام دیتے ہیں۔

انہوں نے مزید کہا کہ اردو ہماری پہچان ہے۔ اسے کوئی ختم نہیں کر سکتا ہے۔